Við ætlum að mæta við íþróttamiðstöðina í Ólafsfirði á mánudögum og miðvikudögum kl. 17:17 og laugardögum kl. 9:30.

Allir geta verið með sem vilja stunda einhverskonar hreyfingu: ganga, hjóla eða skokka.
Hver og einn fer á sínum hraða. Æfingar eru í c.a. eina klukkustund.

Ekkert þátttökugjald, bara að mæta með góða skapið

Valur Hilmars og Gísli Rúnar

Knattspyrnufélag Fjallabyggðar og Knattspyrnuskóli Grétars Rafns Steinssonar eru komin í samstarf með fótboltaskólann sem verður haldinn í fimmta sinn nú í sumar á Siglufirði. Skráning er hafin á kf.skoli@gmail.com

Skólinn hefst mánudaginn 11. júní og lýkur föstudaginn 15. júní. Líkt og undanfarin ár verða þjálfarar frá knattspyrnuakademíunni hjá Bolton Wanderes.

Þátttökualdur í skólann hafa þeir sem fæddir eru á árinu 1994 til 2003.

Líkt og undanfarin ár verður lögð áhersla á fjölbreyttar æfingar, hollt mataræði, hvað hægt er að gera til að verða atvinnumaður í knattspyrnu og hvað þarf til. Gisting verður að Hóli fyrir þá sem það vilja meðan húsrúm leyfir. Reynt verður að ná hagstæðum samningum við veitingarhús bæjarins vegna kvöldmatar og morgunmatur á Hóli verður á kostnaðarverði.

Að sjálfsögðu verður gæsla allan tímann á Hóli. Námskeiðisgjald er 20.000 kr. og innifalið í því verður Knattspyrnuskólinn, hollur hádegismatur, fræðsla í næringarfræði, vallarnesti,frítt í sund og frábærir dagar í Siglufirði.

Skráningu lýkur föstudaginn 18 maí.

Búið er að fresta fyrirhugðum bikarleik KF og Þórs sem átti að vera í kvöld miðvikudag, leikurinn hefur verið settur á n.k. þriðjudag, 22. maí klukkan 19:00

 
Næsti leikur hjá KF er á Laugardaginn og er fyrirhugaður á Ólafsfjarðarvelli og eru andstæðingar KF þá Afturelding, nánar að því síðar.

Starfsmann vantar í þjónustuver Inkasso, staðsett á Siglufirði. Um er að ræða afleysingu.

Áhugasamir hafi samband við Sólrúnu Júlíusdóttur í síma 862 6225 eða tölvupósti solrun@inkasso.is

Ljósmyndasamkeppnin Fugl fyrir milljón hófst í gær 14 maí og stendur til 31. ágúst nk. Áhugasamir ljósmyndarar ættu að skoða þetta tækifæri að næla sér í eina miljón fyrir góða ljósmynd. Verkefni er samstarfsverkefni Brimnes Hótels í Ólafsfirði og Rauðku á Siglufirði.
Nánar hægt að lesa um verkefnið á www.fuglfyrirmilljon.com

Verðlaunamyndin frá árinu 2010 tekin af Einari Guðmann frá Akureyri.
Myndin er af vef fugl fyrir milljón

Íþróttamiðstöðvar Fjallabyggðar verða lokaðar fimmtudaginn 17.maí Uppstigningardag og sunnudaginn 27. maí Hvítasunnudag. Annan í hvítasunnu verður helgaropnun á báðum stöðum frá 14:00 - 18:00.

KF spilar í annari umferð Bikarkeppni KSÍ við Þór frá Akureyri. KF sigraði Drangey sem er varalið Tindastóls nokkuð auðveldlega 5-1 fyrir rúmri viku. Andstæðingar KF í þetta skiptið verða væntanlega mun erfiðari við að eiga. Því eins og margir kannski vita fór Þór í úrslitaleik Bikarkeppni KSÍ fyrir tæpu ári síðan, þar sem þeir töpuðu nokkuð ósanngjarnt fyrir Íslandsmeisturum KR.

Leikurinn verður að öllum líkindum spilaður á Siglufjarðarvelli og hefst klukkan 20:00 á miðvikudag. Hvetjum þó fólk til að fylgjast með gæti breyst, ef veður verður mjög óhagstætt.

Leikskóli Fjallabyggðar er staðsettur í tveimur starfsstöðvum Leikskálum á Siglufirði og Leikhólum í Ólafsfirði. Í hvoru húsi eru þrjár deildir og á báðum stöðum eru börn á aldrinum 1-6 ára

Sjá nánar um starf skólanna á heimasíðum þeirra

www.leikskolinn.is/leikskalar

www.leikskolinn.is/leikholar

Umsóknarfrestur er til 30. maí 2012

Launakjör samkvæmt kjarasamningi Launanefndar sveitarfélaga og Félags leikskólakennara.

Nánari upplýsingar veita Olga Gísladóttir, leikskólastjóri í síma 4649242 og Kristín María H. Karlsdóttir, aðstoðarleikskólastjóri í síma 4649145,
netfang leikskoli@fjallaskolar.is

KF spilar við Völsung í fyrsta deildarleik sumarsins.Leikurinn átti að spilast á Húsavík en þar sem vallaraðstæður þar eru ekki komnar í nægjanlega gott stand var leikurinn færður inní Bogann. Það er mjög mikilvægt að strákarnir byrji mótið vel og því væru 3 stig vel þegin í upphafi móts. En þetta verður væntanlega mjög erfiður leikur.Töluvert er um meiðsli í liði KF, Þórður Birgisson verður ekki með vegna meiðslaog eins er spurning með Jóhann Guðbrandsson sem er tæpur,  Arnór Hallsson og Gabríel Reynissoner einnig meiddir. Leikurinn hefst klukkan 16:00 á Laugardag.
ATH þetta er heimaleikur Völsungs þannig að árskort gilda ekki á þennan leik. Hvetjum alla stuðningsmenn KF til að mæta og hvetja okkar stráka.
ÁFRAM KF

Um 30 ungmenni komu saman á íbúaþingi sl. miðvikudag og ræddu um málefni ungs fólks í Fjallabyggð. Meðal umræðuefna var skólamál, umhverfismál, aksturs, menning íþróttir og tómstundir. Þingið var haldið að frumkvæði ungmennaráðs Fjallabyggðar og stefnir svo ungmennaráðið að kynna bæjrstjórn niðurstöður þingsins.
Myndir komnar í myndaalbúmið.

Að þessu tilefni er tilvalið að vísa í texta sem Vilhjálmur Vilhjálmsson söng sínum tíma:
Ég held við ættum stundum að hlusta aðeins betur
á hugrenningar þeirra sem erfa skulu land
því kannski er næsta kynsklóð, kynslóðin sem getur
komið fram með svörin þar sem sigldum við í strand

lagið með Villa má hlusta á hér:

Góðar umræður í gangi

Á miðvikudag birtum við kynningu á varnarmönnum KF fyrir sumarið í sumar og í gær birtum við kynningu á miðjumönnum félagsins.  Þetta voru þeir leikmenn sem tóku þátt í fyrsta bikarleik KF í sumar,  einnig á félagið mikið af ungum strákum í 3ja flokk sem væntanlega koma til með að banka á dyrnjar hjá m.fl. í sumar.

 En nú er komið að sóknarmönnum KF sumarið 2012 og þjálfara.
      
Sigurbjörn Hafþórsson     Þórður Birgisson                   Arnór Egill Hallsson


Þjálfara KF þarf vart að kynna en hann er Lárus Orri Sigurðsson

Í gær kynntum við varnarmenn  og markmenn KF fyrir sumarið 2012 nú er komið að miðjumönnum KF,  þó að stundum geti leikmenn spilað fleiri stöður þá er þetta líklegasta uppstillingin.
        
Trausti Örn Þórðarson    Páll Sindri Einarsson             Pálmar Hafþórsson

        
Heiðar Gunnólfsson       Halldór Logi Hilmarsson     Jóhann Örn Guðbrandsson

       
Agnar Sveinsson            Eiríkur Ingi Magnússon           Gabríel Reynisson

 

Nú þegar Íslandsmótið er að hefjast hjá meistaraflokki karla (n.k. laugardag á Húsavík)  er gott fyrir íbúa Fjallabyggðar að kynna sér aðeins

hverjir koma til með að sprikla á vellinum fyrir okkur í sumar. Í dag tökum við fyrir markverðina og varnarmennina í KF

Markverðirnir verða tveir að berjast um stöðuna.
Annars vegar Halldór Guðmundsson, fæddur 1992 og hinsvegar Hugi Jóhannesson sem fenginn hefur verið að láni frá KR, fæddur 1992


Halldór t.v. Hugi t.h.


Í vörninni koma til með að spila
                            
Arnar Geir Ásgeirsson, fæddur 1991 og Kristján Vilhjálmsson, fæddur 1988

      

Magnús Blöndal, fæddur 1989 og Sigurjón Fannar Sigurðsson, fæddur 1990



og fyrirliðinn Milos Glogavac, fæddur 1980

Á morgun munum við svo birta miðjumenn KF tímabilið 2012, síðan á föstudag verður komið að sóknarleikmönnunum.

Nú þegar sauðburður er í fullum gangi kíktum við í heimsókn í félagsbúið "Sex í Sveit", en þeir eru með aðstöðu í Burstabrekku. Nú þegar hafa þrjú lömb skriðið í heiminn, en þau verða á fjórða tug þegar þau eru öll komin og mun það gerast á næstu dögum.
Myndir komnar í myndaalbúmið.

Sætasta parið í bænum :-)